អគ្គលេខាធិការដ្ឋានព្រឹទ្ធសភា បានរៀបចំពិធីបើកវគ្គបណ្តុះបណ្តាលស្តីពីជំនាញការពារ ថ្នាក់ដឹកនាំ របៀបប្រើប្រាស់ក្លោងទ្វារសុវត្ថិភាព និងបច្ចេកទេសម៉ាស៊ីនX-Ray ក្រោមអធិបតីភាព ឯកឧត្តម ឡោក ឆាយ អគ្គលេខាធិការរងព្រឹទ្ធសភា និងលោកស្រី ឧត្តមសេនីយ៍ទោ មុំ សាឃន អនុប្រធាននាយកដ្ឋានអង្គរក្សនៃអគ្គស្នងការនគរបាលជាតិនៃក្រសួងមហាផ្ទៃ នារសៀលថ្ងៃទី១៩ ខែកុម្ភៈ ឆ្នាំ២០២១ នៅសាលសិក្ខាសាលាខាងជើងវិមានព្រឹទ្ធសភា ដែលមានសិក្ខាកាមចូលរួមចំនួន៤០នាក់។
វគ្គបណ្តុះបណ្តាលនេះ បង្ហាត់បង្រៀនដោយ ក្រុមអ្នកជំនាញមកពីនាយកដ្ឋានអង្គរក្សនៃអគ្គស្នងការដ្ឋាននគរបាលជាតិ នៃក្រសួងមហាផ្ទៃ ជូនកងកម្លាំងសន្តិសុខផ្ទៃក្នុងនៃអគ្គលេខាធិការដ្ឋានព្រឹទ្ធសភា ដោយផ្តោតទៅលើចំណុចសំខាន់ៗរួមមាន៖ ១-ទ្រីស្តី និងការអនុវត្តជាក់ស្តែង ២-សិក្សាស្រាវជ្រាវលើទីតាំងជាក់ស្តែង ៣-ស្វែងយល់សម្ភារពិសោធន៍គីមី ៤-ម៉ាស៊ីនរាវរកជាតិផ្ទះធុនធំ-តូច ៥-ម៉ាស៊ីនត្រួតពិនិត្យបាតរថយន្តតូច-ធំ ៦-អនុវត្តជាក់ស្តែងម៉ាស៊ីនX-Ray និង៧-ការប្រើប្រាស់ក្លោងទ្វារសុវត្ថិភាព និងអនុវត្តជាក់ស្តែងផងដែរ។
សូមបញ្ជាក់ផងដែរថា វគ្គបណ្តុះបណ្តាលនេះមានរយៈពេល២៥ថ្ងៃ ដែលប្រព្រឹត្តទៅចាប់ពីថ្ងៃទី២០ ខែកុម្ភៈ ដល់ថ្ងៃទី២៣ ខែឧសភា ឆ្នាំ២០២១ ដោយបណ្តុះបណ្តាលរៀងរាល់ថ្ងៃសៅរ៍ និងថ្ងៃអាទិត្យ នៅអគ្គលេខាធិការដ្ឋានព្រឹទ្ធសភា។